ምርጥ የሀበሻ መዝናኛ ሰፈር፣ ኑ እና የምትሉትን በሉ!
ይህ ዌብ ሳይት ሀበሻን ከመላው አለም በማገናኘት የሚያወያይ
የሚያዝናና ዌብ ሳይት ወይም መድረክ ነው፥፥
0 users browsing Religion. | 2 guests | 1 bot
Pages: 1
Posted on 05-22-16, 12:46 pm


Karma: 90
Posts: 36/838
Since: 02-29-16

Last post: 62 days
Last view: 62 days
( ወደድህም ጠላህም የዓለም ሚስጥር ኢትዮጵያ ውስጥ ነው( ለእናንተ ግን ተረት))
.
የተዘረፉና በመዘረፍ ላይ ያሉ የብራና መጻሕፍት ጉዳይ...
ጥናት ካደረጉ ሰዎች በሰማሁትና በራሴም ዌብሳይቶችን Google በማድረግ እንደተረዳሁት ከ50,000 በላይ የኢትዮጵያ ጥንታውያን የብራና መጻሕፍት በውጭ ሀገር
ይገኛሉ።
( መላኩ አላምረው በሐመረ ኖህ)
ከእነዚህ ውስጥ ከ11,000 በላይ የሚሆኑት
በማይክሮ ፊልም ተነስተዋል (digitalized ሆነዋል)። የሄዱት በዘረፋ ነው። (አሁንም ዘረፋው አልቆመም)። ከእነዚህ መጻሕፍትም አብዛኞቹ የፍልስፍና፣ የህክምና፣ የሥነ ምግባርና ሥነ ልቦና፣ የሥነ ከዋክብትና (ህዋ
ሳይንስ)፣ የሥነ ዕጽዋት፣ የአዕዋፍና እንስሳት ምርምር ውጤቶች ናቸው።
ለምሳሌ ጀርመን ውስጥ በኢትዮጵያ ብራና መጻሕፍት ብቻ ተመራምረው ያቋቋሟቸው መድኃኒት ፋብሪካዎች አሉ። በሀገራቸው ዩኒቨርሲቲዎች የግዕዝ ቋንቋን እስከ PhD
ድረስ የሚያስተምሩበት ምሥጢርም ይኸው ነው። በተለይ ምዕራባውያን በትልልቅ ሙዝየሞቻቸው ውስጥ በክብር ካስቀመጧቸው ውድ ሀብቶቻቸው ውስጥ የእኛ
ብራና መጽሐፎች ይገኙበታል። በግልጽ እየተጎበኙ ገቢ ከማስገኘታቸውም በላይ ለምርምር ሥራ ትልቅ አስተዋጽኦ
ያበረክታሉ። የእኛ ብራናዎች የማይገኙበት ሀገር አለ ለማለትም ይከብዳል። አብዛኛዎቹ ግን አውሮፓ ውስጥ ናቸው። ሳነብ ካገኘዋቸው
የቁጥር መረጃዎች የሚከተሉት ናቸው፦
በቫቲካን (ጣሊያን ውስጥ) 1,082
በፈረንሳይ 1,034
በእንግሊዝ 850
በአየርላንድ 66
በጀርመን 820
በስዊድን 88
በሰሜን አሜሪካ 400 የብራና መጻሕፍት በሙዝየሞችና በቤተ መጻሕፍት ውስጥ በግልጽ ተመዝግበውና ካታሎግ ተሠርቶላቸው ይገኛሉ። (እነዚህ ለምሳሌ የቀረቡ ናቸው)።
ከታሰበበትና ከተሠራበት እነዚህንም ሆነ ሌሎች ቅርሶችን የማስመለስ መብቱ አለን። የእኛ መሆናቸው በግልጽ የተመዘገበና የታወቀ ስለሆነ። (የአክሱም ሐውልትና የላሊበላው አፍሮ አይገባ መስቀል መመለሳቸውን ልብ
እንበል... ከተሠራ የራሳችንን ቅርስ የማስመለስ መብታችን የተጠበቀ ነው)። ግን እኛ ይህ ጉዳያችን የሆነ አይመስልም። በተለይ አቅሙና እውቅናው ያለን አካላት... ከቤተ ክህነቱ ጀምሮ ዝም ብለናል። የሚገርመው ደግሞ እኛ ዝም ብንልም አንዳንድ ቅን የሆኑ የውጭ ምሁራን ዝም አላሉም። ለምሳሌ ፕሮፌሰር ስቲቭ
የተባሉ ተመራማሪ ብቻ ከ400 በላይ የብራና
መጻሕፍቶቻችንን በማይክሮ ፊልም አንስተው በዌብሳይት ጭነው ለዓለም ሁሉ እያስተዋወቁና "የኢትዮጵያ መሆናቸውን" እየተናገሩ ነው። በጣም የሚያሳዝነው ግን አሁንም ዘረፋው አለመቆሙ ነው። በውድ ገንዘብ ስለሚሸጡ (በሚሊየን ብሮች)
እንቅስቃሴውን ማስቆም ከባድ ሆኖአል። እንዲያውም የትልልቅ ገዳማት አባቶች ታማኞችና ከገንዘብ ፍላጎት የራቁ መሆናቸው እንጅ እስካሁን ተዘርፈው ያልቁ ነበር።
እስኪ ስለዚህ ጉዳይ እንነጋገር። የእኛን ብራናዎች በሚሊየን ብሮች የሚገዙት ውጮች ለምን ይመስላችኋል?
ትልቅ ምሥጢራዊ ሀብት የያዙ ባይሆኑ እንዲህ ተፈላጊ
ይሆኑ ነበርን? የእኛን ወርቆች በብር እየሸጥን የእነርሱን
መዳብ በወርቅ እየገዛን ነው። የእኛ መጻሕፍት
ለሥልጣኔያቸው ትልቅ አስተዋጽኦ ባይኖራቸው ኖሮ
በአሳሽነትም በሃይማኖት ሰባኪነትም ሲያሻቸውም እንደ
እንግሊዝና ጣሊያ በጦርነት ስም እየመጡ ባልዘረፉን
ነበር።
ጀምስ ብሩስ የዓባይን ምንጭ ለማግኘት በሚል ሰበብ
ጎንደር ድረስ ሄዶ፣ ጎጃምና ወሎንም ሸዋንም አስሶ ወደ
ዝዋይም ወርዶ ከቤተመንግሥቱ ቤተ መጻሕፍትም
ከገዳማትም መጽሐፈ ሄኖክን ጨምሮ በመቶዎች
የሚቆጠሩ መንፈሳዊና ሥጋዊ ዋጋቸውም እጅግ ከፍ ያለ
መጻሕፍትን በምሥጢር አግዞ ወሰደ።
እንግሊዞች አፄ ቴዎድሮስን ለመውጋት መጥተው መቅደላ
ላይ የነበረውን ታላቅ የብራና መጻሕፍት ቤተ መዘክር
ዘርፈው በብዙ ሺህ መጻሕፍትን ወሰዱ። ጣሊያኖች
በሁለቱም ጦርነቶች በሺዎች የሚቆጠሩ ብራና
መጻሕፍትን ዘረፉ። ሌሎች በሃይማኖት "ሚሽን" አሳበው
ብዙዎችን ሰረቁ... ለምን? የእኛ መጻሕፍት የያዙት
እውቀት ጥልቅነትና የሥልጣኔ ምሥጢርነት ቢገባቸው
ነው)።
ያለፈውስ አለፈ አሁን እንኳን ምናለ ዘረፋውን
ብናስቆመው? ሲሆን መስረታችንን ትተን ወደ ምዕራብ የሥልጣኔ ጣሪያ ከማንጋጠጥ በውድ ሀብቶቻችን ላይ
ብንመራመር...
Posted on 09-12-16, 07:01 am
Red Paragoomba


Karma: 100
Posts: 27/50
Since: 08-22-16

Last post: 807 days
Last view: 792 days
(የኔ ሃሳብ) ፥ ለዛሬ ብቻ የሚያስቡ ያለውን እንደሚሸጡ እርግጥ ነው። ነገር ግን ምን ያህሉ አቅሙ ያላቸው ምሁራኖቻችን በማስመለሱ ሂደት እንደሚሳተፉ መረጃ በስፋት የለም። መንግስትም ቢሆን የተመለሱትን ከማስተዋወቅ ውጭ ብዙም እየሰራበት አይመስልም። ለማንኛውም ትውልዱ ታሪኩን አውቆ በትክክል ሲረዳ ያለፈውን ጠብቆ የራሱን አሻራ ሊጨምር ይችላል። ስለዚህ ሁላችንም ለማንነታችን ክብር ብዙ መፋለም ይኖርብናል።
_________________________
አመሰግናለሁ።
Posted on 09-17-16, 03:15 pm


Karma: 100
Posts: 19/602
Since: 08-27-16

Last post: 14 days
Last view: 6 hours
ዘመኑ፡ማለትም፡የአሁኑ፡ጊዜ፡አባቱ፡ዳኛ፡ልጁ፡ቀማኛ፡እንደሚባለው።
የሀገራችን፡ጠላት፡ከውጭ፡የመጣ፡ብቻ፡ሳይሆን፡እንደ፡ካንሰር፡ከውስጥ፡
የተላ፡ነው። GOD have mercy

Posted on 09-27-16, 12:44 pm


Karma: 100
Posts: 56/602
Since: 08-27-16

Last post: 14 days
Last view: 6 hours
Our Faith

Pages: 1