ምርጥ የሀበሻ መዝናኛ ሰፈር፣ ኑ እና የምትሉትን በሉ!
ይህ ዌብ ሳይት ሀበሻን ከመላው አለም በማገናኘት የሚያወያይ
የሚያዝናና ዌብ ሳይት ወይም መድረክ ነው፥፥
0 users browsing General Foods. | 1 guest
Pages: 1
Posted on 05-08-18, 07:13 pm


Karma: 90
Posts: 777/786
Since: 02-29-16

Last post: 4 days
Last view: 4 days
– የእርድ የተፈጥሮ ሀይል
እርድ የሚያቃጥል፣ ሞቃታማ እና መራራ ቃና እና በትንሹ ብርቱካን እና ዝንጅብል እንደሚሰጡት ለስለስ ያለ ሽታ ያለው ሲሆን ማጣፈጫን ለመስራት ከሚጠቅሙ በጣም ታዋቂ ቅመማቅመሞች አንዱ እና ለሰናፍጭ ነጣ ያለ ከለር የሚሰጥ ነው፡፡
እርድ ኩርኩማ ሎንጋ ከተባለው ተክል ስር የሚመጣ ሲሆን ጠንካራ ቡናማ ቆዳ እና ጥልቅ የሆነ ብርቱካናማ ስጋ ያለው ነው፡፡ እርድ በሁለቱም በቻይናውያን እና ህንዳውያን ለረጅም ጊዜ የሰውነት መቆጣትን ለመከላከል የሚጠቀሙበት ሀይለኛ የህክምና ዘዴ ነ ው፡፡ እርድ በጥልቅ ቢጫ ብርቱካናማ ከለሩ እና ለመፈወሻ መፍትሔ እና ለጨርቃጨርቅ ማቅለሚያ እንደ ቅመም በታሪክ ሁሉ የሚጠቀሙበት ስለሆነ በተለምዶ “የህንድ ሳፍሮን” ይባል ነበር፡፡
ነጣ ያለ ቢጫማው የቅመም ቀስተደመና፣ እርድ (ኩርኩማ ሎንጋ) በቻይናውያን እና ህንዳውያን ለረጅም ጊዜ እንደ ህክምና ዘዴ የሚጠቀሙበት ሀይለኛ መድሀኒት ሲሆን የሰውነት መቆጣትን በመከላከል የተለያዩ ሰፊ ሁኔታዎችን እንደ እብጠት፣ የወፍ በሽታ፣ የወር አበባ ዑደት ችግሮችን፣ ደም ያለበት ሽንትን፣ ኪንታሮትን፣ የጥርስ ህመምን፣ የበለዘ አካልን፣ የደረት ህመምን እና የአንጀት ህመምን ለማከም የሚያግዝ ነው፡፡
አቅም ያለው ደህንነቱ የተጠበቀ የሰውነት መቆጣትን ተከላካይ
በተለያዩ የጥናት ማሳያዎች ውስጥ የሚተነው የእርድ የዘይት ክፍል ወሳኝ የሆነውን የሰውነት መቆጣትን የሚከላከል ስራዎችን ሰርቷል፡፡ ኩርኩሚን የተባለው የእርድ ቢጫ ወይም ብርቱካናማ ማቅለሚያ ከሚተነው ዘይት ይልቅ የተሻለ አቅም አለው፡፡ ኩርኩሚን በእርድ ውስጥ የመጀመርያው የመድሀኒት አጋዥ ተብሎ ይታሰባል፡፡ የኩርኩሚን የሰውነት መቆጣትን የመከላከል ውጤት አቅም ካላቸው ሀይድሮኮርቲሶን እና ፌናይልቡታዞን መድሀኒቶች እንደዚሁም ደግሞ ያለ ሀኪም ትዕዛዝ የሚወሰደውን የሰውነት መቆጣትን የሚከላከል አጋዥ መድሀኒት እንደ ሞትሪን ጋር እንደሚወዳደር በብዙ ጥናቶች ተመልክቷል፡፡ ከፍተኛ የመርዛማ ጉዳቶች (የቁስል መፈጠር፣ የነጭ የደም ህዋስ ቁጥር መቀነስ፣ የአንጀት መድማት)እንደተያያዙት መድሀኒቶች ሳይሆን ኩርኩሚን ምንም መርዛማነት የለውም፡፡
ለአንጀት በሽታ የሰውነት መቆጣት ውጤታማ ህክምና
የቅርብ ጥናት እንደጠቆመው ለአንጀት በሽታ የሰውነት መቆጣት (አይቢዲ) እንደ ክሮህንስ እና የኮሊቲስ ቁስለት ኩርኩሚን ርካሽ የሆነ፣ በቀላሉ ሊወሰድ የሚችል እና ውጤታማ ህክምና ሊሰጥ ይችላል፡፡ በዚህ ጥናት ውስጥ ኮሊቲስን የሚያነሳሳው ለሰውነት መቆጣት አጋዥ ለተሰጣቸው አይጦች ጥናቱ ከመገባደዱ 5 ቀን በፊት በምግባቸው ውስጥ ኩርኩሚን ሲጨመርበት ከችግሩ ተጠብቀዋል፡፡ ኩርኩሚን የተሰጣቸው አይጦች ካልተሰጣቸው እንስሳቶች አነስተኛ የሰውነት ክብደት የቀነሱ ብቻ ሳይሆን ተመራማሪዎች የአንጀታቸውን የህዋስ ስራ ሲያጣሩ ሁሉም የኮሊቲስ የተለዩ ምልክቶች (የዝልግልግ ፈሳሽ ቁስለት፣ የአንጀት ግድግዳ ውፍረት እና የሰውነት መቆጣት ህዋስ መስረግ) ቀንሰዋል፡፡ ኩርኩሚን የጥበቃውን ስራዎች እንዴት አድርጎ እንዳከናወነ ተመራማሪዎቹ እስከአሁን ድረስ በትክክል ባያረጋግጡም ጠቀሜታዎቹ የተገኙት በአንቲኦክሲዳንት ስራዎች ብቻ ሳይሆን ኤንኤፍ ካፓ የተባለውንና የህዋሳቶችን መቆጣት አጋዥ እንዳይገባ የመከልከል ውጤት እንደሆነ ያስባሉ፡፡ በተጨማሪም በዚህ ጥናት ጥሩ ዜና ተብሎ የተገለፀው ምንም እንኳን ኩርኩሚን በብዙ መጠን ቢወሰድ ችግር የሌለው እንደሆነ የታወቀ ቢሆንም ይህ የእርድ ንጥረ ነገር በትንሹም እስከ 0.25 በመቶ ይዘት ማለትም ለማጣፈጫው ቃናነት በቀላሉ ለማጣጣም የምንጨምረው የእርድ መጠን ውጤታማ ነበር፡፡
ለሪህ ህመም ማስታገሻ
የክሊኒካል ጥናት እንዳረጋገጠው ኩርኩሚን በጣም ከፍተኛ ሀይል ያለው የአንቲኦክሲዳንት ውጤታማነትን አስመዝግቧል፡፡ እንደ አንቲኦክሲዳንት ኩርኩሚን ቆሻሻ ነገሮችን ማለትም በሰውነታችን ውስጥ በመጓዝ የጤናማ ህዋሶች እና የህዋሰ መሸፈኛዎችን ከፍተኛ ጉዳት እንዲደርስ ምክንት የሚሆኑትን ኬሚካሎችን ሊያስወግድ ይችላል፡፡ እንደ ሪህ ማለትም ቆሻሻ ነገሮች የመገጣጠሚያ ቦታ መቆጣት ህመም እና ለመገጣጠሚያ ጉዳቶች ምክንያት ሲሆኑ ይህ ለብዙ በሽታዎች አስፈላጊ ነው፡፡ የእርድ የአንቲኦክሲዳንት እና የሰውነት መቆጣት መከላከያ ውጤቶች ድብልቅ ለምን ብዙ ሰዎች ለመገጣጠሚያ በሽታቸው ቅመሙን በመደበኛነት ሲጠቀሙ እረፍት እንደሚያገኙ ያስረዳል፡፡ በሪህ ህመም በሽተኞች ላይ በተካሄደ የቅርብ ጊዜ ጥናት ኩርኩሚን ከፌናይልቡታዞን ጋር በመወዳደር የአጭር ጊዜ የጠዋት ጥንካሬን በማምጣት፣ የመራመጂያ ጊዜ በማስረዘም እና የመገጣጠሚያ እብጠት በመቀነስ ተመጣጣኝ መሻሻሎች አከናውኗል፡፡
ለሲስቲክ ፋይብሮሲስ በሽተኞች ይጠቅማል
በ(ሚያዝያ 2004) በሳይንስ ውስጥ የታተመው የእንስሳት ጥናት እንደሚጠቁመው በእርድ ውስጥ የሚገኘው ዋነኛው እና ቢጫ ከለር የሚሰጠው ኩርኩሚን ቅመም በጣም በተለመደ ሁኔታ የጀነቲክ ችግርን የሚገልፀውን እና ለሲስቲክ ፋይብሮሲስ መፈጠር ምክንያት የሆነውን ሊያስተካክል ይችላል፡፡ ሲስቲክ ፋይብሮሲስ በወፍራም ዝልግልግ ፈሳሽ ሳምባዎችን የሚያጠቃ፣ ህይወትን አደጋ ላይ የሚጥል እና 30,000 አሜሪካውያን ልጆች እና አዳጊ ወጣቶችን እንዲሁም ዕድሜያቸው ከ 30 በላይ ከሆነ ሊዳን የማይቻልበት ገዳይ በሽታ ነው፡፡ ዝልግልግ ፈሳሹ ጣፊያን የሚጎዳ በመሆኑ የሰውነትን ንጥረነገሮች የመሳብ እና የመፍጨት ችሎታን ያዛባል፡፡
ሲስቲክ ፋይብሮሲስ የሚከሰተው በጂን ውስጥ ፕሮቲንን ኮድ በሚያደርገው (ትራንስሜምብራንስ ኮንዳክታንስ ሬጉሌተር ወይም ሲቲኤፍአር) ጂን ለውጥ ምክንያት መሆኑን ተመራማሪዎች አሁን አውቀውታል፡፡ የሲቲኤፍአር ፕሮቲን ወደ ህዋሶች ገፅ ላይ እንዲጓዝ እና ክሎራይድ አየኖች ህዋሱን የሚለቁበት ቦይ የመፍጠር ስራ ያከናውናል፡፡ ልክ ባልሆነ ጂን ምክንያት ፕሮቲኑን የተሳሳተ ቅርፅ ሲይዝ ይህ ሊሆን ስለማይችል ክሎራይድ በህዋስ ውስጥ ስለሚከማች ዝልግልግ ፈሳሽ እንዲመረት ያደርጋል፡፡
ዴልታኤፍ508 የሚባለው በጣም የተለመደው የጂን ለውጥ ልክ ያልሆነ ፕሮቲን እንዲመረት ያደርጋል፡፡ ክብደትን መሰረት ያደረገ የኩርኩሚን መጠን የዴልታኤፍ508 ችግር ላለባቸው አይጦች ተሰጥቷቸው የነበረው በሰዎች በደንብ ሊሰራ የሚችል ሲሆን ኩርኩሚን ችግሩን በማስተካከል ዴልታኤፍ508 ፕሮቲን ትክክለኛ ገፅታ እንዲኖረው እና ስራውን እንዲያከናውን ያደርጋል፡፡ በተጨማሪም ኩርኩሚንን ያጠናው የያሌ ሳይንቲስት እንዳመለከተው ኩርኩሚን የካልሺየም መለቀቅን በመከላከል በካልሺየም ቦዮች በኩል ጂኑ የተለወጠው ሲቲኤፍአር ከህዋሶቹ እንዲለቅ የሚያደርግ ሲሆን በክሎራድ መሪነት የሚከማቸውን ዝልግልግ ፈሳሽ እንዲቆም ይረዳል፡፡ በሲስቲክ ፋይብሮሲስ ህክምና ዘርፍ ያሉት ስፔሻሊስቶች በሲስቲክ ፋይብሮሲስ ታካሚዎች የተወሰዱት ብዙ በሀኪም የታዘዙ መድሀኒቶች ላይ ትክክለኛው መጠን እስኪታወቅ እና ማንኛውም የጎንዮሽ ጉዳቶች እስኪለዩ ድረስ ታካሚዎች ኩርኩሚንን በያዙ ተጨማሪ ምግቦች ራሳቸውን እንዳያክሙ አስጠንቅቀዋል፡፡
ካንሰርን ይከላከላል
የኩርኩሚን አንቲኦክሲደንት ስራዎች ከፍተኛ ጠቀሜታ ካለው በተለይም በአንጀት ውስጥ በግምት በየሶስት ቀናት ፈጣን የህዋስ መጥፋት በሚኖርበት የህዋሳቶች ዲኤንኤን ሊያጠፉ ከሚችሉ ቆሻሻ ነገሮች የአንጀት ህዋሶችን ለመጠበቅ ያስችለዋል፡፡ በተደጋጋሚ መተካካቶች ምክንያት በአንጀት ህዋሶች ዲኤንኤ ውስጥ የሚኖረው የጂን ለውጥ የካንሰር ህዋሶች በፍጥነት እንዲፈጠሩ ሊያደርግ ይችላል፡፡ ኩርኩሚን ሰውነታችን የጂን ለውጥ ያለባቸውን የካንሰር ህዋሶችን እንዲያጠፋ ስለሚረዳ የበለጠ ጉዳት ሳያደርሱ በሰውነት ውስጥ እንዳይሰራጩ ያደርጋል፡፡ ኩርኩሚን ይህን የሚያደርግበት የመጀመርያው መንገድ የጉበትን ስራዎች በማሻሻል ነው፡፡ በተጨማሪም ከካንሰር መፈጠር የሚከላከልበት ሌሎች የተጠቆሙ መንገዶች የሚያካትቱት ለእጢ መፈጠር አስፈላጊ ተብለው የታሰቡትን የፕሮቲን መዋሀድን መከልከል እና ለካንሰር ህዋስ እድገት አስፈላጊ የሆነውን ተጨማሪ የደም አቅርቦትን በመከልከል ናቸው፡፡
የካንሰር ህዋስ እድገትን እና ሜታስቴሲስን ይከላከላል
የጡት፣ የወንድ አባላዘር፣ የሳምባ እና የአንጀት ካንሰርን ለመቀነስ የተላላፊ በሽታዎች ጥናት በተደጋጋሚ እርድን ከመጠቀም ጋር የተያያዘ ሲሆን የላቦራቶሪ ሙከራዎች እንደሚያሳዩት ኩርኩሚን ዕጢዎች እንዳይፈጠሩ ሊከላከሉ ይችላሉ፤ እንዲሁም በቴክሳስ ዩኒቨርስቲ የተካሄደው ጥናት እንደሚጠቁመው በአይጦች ውስጥ የጡት ካንሰር ቢኖር እንኳን ኩርኩሚን ወደ ወደ ሳምባዎች የሚሰራጨውን የጡት ካንሰር ህዋስ መቀነስ እንዲችል ይረዳል፡፡
በ(መስከረም 2005) በባዮኬሚካል ፋርማኮሎጂ በታተመው በዚህ ጥናት ውስጥ የሰው ልጅ የጡት ካንሰር ህዋሶች ወደ አይጦች የተጨመረ ሲሆን ጡትን በቀዶ ጥገና ከሚወጣው ጋር ለማመሳሰል የተፈጠሩትን ዕጢዎች እንዲወጡ ተደርጓል፡፡
ከዚያም አይጦቹ በአራት ቡድኖች ተከፋፍለዋል፡፡ አንዱ ቡድን ምንም አይነት ተጨማሪ ነገር ሳይደረግበት እንደ መቆጣጠርያ አገልግሏል፡፡ ሁለተኛው ቡድን ፓክሊታክስል (ታክሶል) የካንሰር መድሀኒት የተሰጠው ሲሆን ሶስተኛው ቡድን ኩርኩሚን እና አራተኛው ቡድን ሁለቱም ታክሶል እና ኩርኩሚን ተሰጥቶታል፡፡
ከአምስት ሳምንት በኋላ በኩርኩሚን ብቻ ባለው ቡድን ውስጥ ያሉት ግማሽ የሚሆኑት አይጦች እንዲሁም ከኩርኩሚን እና ታክሶል ምድብ 22% የሚሆነው ወደ ሳምባዎች የተሰራጩ የጡት ካንሰር ማስረጃ ነበሩ፡፡
ነገር ግን ታክሶል ብቻ ካገኙት አይጦች 75% የሚሆኑት እና ከመቆጣጠርያው ምድብ 95% የሚሆነው የሳምባ ዕጢዎችን ሰርተዋል፡፡
ኩርኩሚን እንዴት ረድቶ ነበር? የተመራማሪዎች መሪ ብሀራት አግዋል እንዳሉት ”ልክ እንደ ማብሪያ እና ማጥፊያ መቆጣጠርያ፤ ኩርኩሚን ከቅጂው ወሳኝ ጉዳዮች በተቃራኒው ነው የሚሰሩት”፡፡ ” ዕጢዎችን ለመፍጠር የሚያስፈልጉ ሁሉንም ጂኖች የሚቆጣጠሩት የቅጂው ወሳኝ ጉዳዮች ናቸው፡፡ ስናጠፋቸው የካንሰር ህዋሶችን እድገትና ወረራ ላይ የሚሳተፉትን አንዳንድ ጂኖችን እንዘጋቸዋለን፡፡”
በ(መስከረም 2005) በባዮኬሚካል ፋርማኮሎጂ በታተመው እና በሆጅኪን ሊምፎማ ህዋሶች ባልሆነ በሌላ በሰው ልጅ የላቦራቶሪ ጥናት የቴክሳስ ዩኒቨርስቲ ተመራማሪዎች እንዳመለከቱት ኩርኩሚን የካንሰር ህዋስ እድገትን የሚያፋጥኑ እንደ ቲኤንኤፍ፣ ሲኦኤክስ-2 እና አይ ኤል-6 አቅጣጫ ቀያሪ የሰውነት መቆጣትን የሚያመጡ ሞለኪዩሎችን ጂኖች እንዲሰሩ ምልክትን የሚሰጠው ኤንኤፍ-ካፓቢ ተቆጣጣሪ ሞለኪዩልን እንዳይሰራ ይከለክላል፡፡ በተጨማሪም ኩርኩሚን የካንሰር ህዋስ ስርጭትን የሚገታ እና በሳምባ ካንሰር ህዋስ ውስጥ የህዋስ ዑደትን በመቆጣጠር ህዋሶች ራሳቸውን እንዲገሉ ያደርጋል፡፡ በቴክሳስ ዩኒቨርስቲ የምዕራፍ I መጀመርያ የክሊኒካል ሙከራዎች አሁን የኩርኩሚንን ኬሚካላዊ የመከላከል እና በሽታን የመፈወስ ጥበብን ባህርያት ከብዙ የአጥንት ካንሰር እና የጣፊያ ካንሰር አንፃር እየተመለከቱት ሲሆን ሌሎች ተመራማሪ ቡድኖች የኩርኩሚንን የአፍ ካንሰር የመከላከል ብቃት እየተመራመሩ ነው፡፡
እርድ እና ሽንኩርቶች የትልቁ አንጀት ካንሰርን ለመከላከል ሊረዱ ይችላሉ
በክሊኒካል ጋስትሮኢንትሮሎጂ እና ሄፓቶሎጂ ጉዳይ ላይ በነሐሴ 2006 ውስጥ የታተመው ምርምር እንደሚያሳየው በማጣፈጫ የእርድ ቅመም ውስጥ የሚገኘው ኩርኩሚን ንጥረነገር እና በሽንኩርት ውስጥ የሚገኘው ኩዌርሲቲን አንቲኦክሲደንት በሰው ልጅ የአንጀት አካባቢ ውስጥ ከካንሰር በፊት ያሉትን ሁለቱንም የቁስሎችን መጠን እና ቁጥር ይቀንሳል፡፡
ፋሚሊያል አዴኖማቶስፖሊፖሲስ (ኤፍኤፒ) የተባለው በታችኛው አንጀት ውስጥ ከቤተሰብ የተወረሰ ከካንሰር በፊት ያሉ ቁስሎች ያሉባቸውን አምስት ታማሚዎች የኩርኩሚን እና የኩዌርሲቲን መደበኛ መጠን በአማካይ ለስድስት ወራት ወስደው ነበር፡፡ አማካይ የቁስሎቹ ቁጥር በ 60.4 % የወረዱ ሲሆን አማካይ የቁስሎቹ መጠን በ50.9 % ወርደዋል፡፡
ኤፍኤፒየሚከሰተው በቤተሰቦች ውስጥ ሲሆን የሚታወቀውም በመቶዎች የሚቆጠሩ ቁስሎች (ኮሎሬክታል አዴኖማስ) ሲፈጠሩ እና የአንጀት ካንሰር ሲሆን ነው፡፡ በቅርቡ በሰውነት ውስጥ የማይመነጩ የሰውነት መቆጣትን የሚከለክሉ መድሀኒቶች (ኤንኤስኤአይዲ እንደ አስፕሪን፣ ኢቡፕሮፊን) በዚህ በሽታ የተያዙ አንዳንድ በሽተኞችን ለማከም ጥቅም ላይ የዋሉ ቢሆንም እነዚህ መድሀኒቶች ብዙውን ጊዜ የአንጀት እና የጨጓራ ቁስለት እና መድማት ከፍተኛ የጎንዮሽ ጉዳቶችን እንደሚያመጡ በጆን ሆፕኪን ዩኒቨርስቲ በጋስትሮኢንትሮሎጂ ክፍል በመሪ ተመራማሪ ፍራንሲስ ኤም. ጊያርዴሎ ኤም.ዲ. ተጠቁሟል፡፡
ብዙ መጠን ያላቸውን ማጣፈጫ የሚጠቀሙ ሰዎች ላይ ከአሁን በፊት በተደረገው የምልከታ ጥናቶች እንደዚሁም የእንስሳት ምርምር በጥብቅ እንደሚመክሩት በእስያ ውስጥ ከዋና ቅመማቅመሞች ውስጥ አንዱ የሆነው ኩርኩሚን የታችኛው የአንጀት ውስጥ ካንሰርን ለመከላከል እና/ወይም ለማከም ውጤታማ ሊሆን ይችላል፡፡ በተመሳሳይ በተለያዩ ምግቦች ውስጥ እንደ ሽንኩርቶች፣ አረንጓዴ ሻይ እና ቀይ ወይን ውስጥ የሚገኘው ፍሌቮናይድ አንቲኦክሲደንት የሆነው ኪዩዌርሴቲን በሰው ልጆች ውስጥ የአንጀት ካንሰር ህዋስ መስመሮች እድገትን እና በእንስሳት ውስጥ ልክ ያልሆነ የታችኛው አንጀት ህዋሶችን የሚከለክል እንደሆነ ታይቷል፡፡
በዚህ ጥናት ውስጥ ከአምስቱ በሽተኞች ውስጥ አራቱ በሦስት ወር ውስጥ እና ከአራቱ በሽተኞች ውስት አራቱ በስድስት ወራት ውስጥ የቁስል ቁጥር መቀነስ ታይቷል፡፡
እያንዳንዱ በሽተኛ ኩርኩሚን (480 ሚሊግራም) እና ኪዩዌርሴቲን (20 ሚሊግራም) በቀን 3 ጊዜ ለ 6 ወራት ወስደዋል፡፡ ምንም እንኳን የኪዩዌርሴቲን መጠን ብዙ ሰዎች በቀን ከሚወስዱት ጋር ተመሳሳይ ቢሆንም የኩርኩሚን ፍጆታ ከመደበኛው አመጋገብ የበለጠ የሆነበት ምክንያት እርድ የሚይዘው በአማካይ ከ 3-5 % ኩርኩሚን በክብደት ብቻ ነው፡፡
በቀላሉ ማጣፈጫን እና ሽንኩርቶችን መጠቀም ልክ በዚህ ጥናት እንደተከናወነው አፋጣኝ ውጤት ላይኖረው የሚችል ሲሆን ይህ ጥናት በግልፅ እንዳስቀመጠው እርድ እና ሽንኩርትን በነፃነት መጠቀም የታችኛው አንጀት ካንሰር መፈጠር ላ የመከላከል ሚና መጫወት ይችላል፡፡ በተጨማሪም እርድን ለማጣፈጫነት ብቻ መጠቀም የለብንም፡፡ ይህ ቅመም በጤናማ የአፕል ማጣፈጫ ውስጥ እና በጤናማ እርጥብ የአበባ ጎመን እና/ወይም አረንጓዴ ባቄላዎች እና ሽንኩርቶች ውስጥ ጣፋጭ ነው፡፡ ወይም በጥሩ ቃና የበለፀገ፣ አነስተኛ ካሎሪ ባለው የክሬም እርጎ ላይ እርድ እና የደረቀ ሽንኩርት ለመጨመር ይሞክሩ፡፡
እርድ ከአበባጎመን ጋር በመቀናጀት የወንድ አባላዘር ካንሰርን ይከላከላል
የወንድ አባላዘር ካንሰር በአሜሪካን ውስጥ ሁለተኛው ገዳይ ካንሰር ምክንያት እና በየአመቱም 500000 አዲስ ሰው በበሽታው የሚያዙ ሲሆኑ በህንድ ውስጥ ግን የሚያዙት ወንዶች አነስተኛነው፤ ይህም የአደጋው መከሰት አነስተኛ የሆነበት ምክንያት የብራሲካ ቤተሰብ በሆኑት አትክልቶች እና የማጣፈጫ ቅመም በሆነው እርድ የበለፀገው ምግባቸው ነው፡፡
ይዘቱ ከፍተኛ የሆነ የኩርኩሚን ንጥረነገር ምንጭ የሆነውን እርድን በክሩሲፈረስ አትክልቶችን እንደ የአበባ ጎመን፣ ጎመን፣ ጥቅል ጎመን፣ የብራስልስ ጎመን፣ ቆስጣ፣ ኮህልራቢ እና ፍጁል የበለፀገውን ፌንኢታይል አይዞቲዮሲያኔት የተክል ኬሚካልን ሳይንቲስቶች ሙከራ አድርገዋል፡፡
ሙከራው ለብቻቸው ሲደረግ ሁለቱም ፌንኢታይል አይዞቲዮሲያኔት እና ኩርኩሚን በሽታን የመቋቋም እጥረት ያሉባቸው አይጦች ላይ የተጨመረውን የሰው ልጆች የወንድ አባላዘር ካንሰር ህዋሶችን ዕድገት በከፍተኛ ሁኔታ ቀንሰዋል፡፡ የወንድ አባላዘር ካንሰር ዕጢዎች በደንብ በተስፋፋበት አይጥ ውስጥ ሁለቱም ፌንኢታይል አይዞቲዮሲያኔት ወይም ኩርኩሚን በራሳቸው በሽታን የመከላከል አቅም የሌላቸው ቢሆንም ነገር ግን በጋራ አንድ ላይ ሲሆኑ ሁለቱንም የዕጢ ዕድገትን እና የወንድ አባላዘር ካንሰር ህዋሶች ስርጭትን (ሜታስቴሲስን) ሙከራ በተደረገባቸው እንስሳቶች ላይ በከፍተኛ ሁኔታ ይቀንሳሉ፡፡
ተመራማሪዎች እንደሚያምኑት የክሩሲፈረስ አትክልቶች እና ኩርኩሚን ቅንጅት የወንድ አባላዘር ካንሰርን ለመከላከል ብቻ ሳይሆን የተፈጠሩትን የወንድ አባላዘር ካንሰሮች ስርጭትን ለመግታትም ውጤታማ ህክምና ሊሆን ይችላል፡፡ ከሁሉ በላይ የአበባ ጎመን ቅመም ከእርድ ጋር ያለው ቅንጅት በጣም ቆንጆ ነው፡፡ የወንድ አባላዘር ካንሰርን ለመከላከል የአበባ ጎመን አበባን አራት ቦታ በመቁረጥ እና ለ5-10 ደቂቃ ማስቀመጥ ፌንኢታይል አይዞቲዮሲያኔቶች እንዲመረቱ ጊዜ የሚሰጥ ሲሆን ይህም ክሩሲፈረስ አትክልቶች ሲቆረጡ እንዲሰሩ እና ሲሞቁ እንዲያቆሙ ያደርጋል፡፡ ከዚያም በመሀከለኛ ሙቀት ጤነኛ በሆነ አጠባበስ ጥቂት አትክልት ወይም የዶሮ ሾርባ ለ5 ደቂቃዎች በማቆየት እና እርድን በላዩ ላይ መነስነስ፡፡ ከማብሰያው በማውረድ እላዩ ላይ የወይራ ዘይት፣ የባህር ጨው እና በርበሬ ለማጣፈጫነት መጨመር፡፡
የልጅነት ሊኩሚያ አደጋን ይቀንሳል
በቅርቡ በለንደን በተካሄደው የልጆች ሊኩሚያ ኮንፈረንስ ላይ የቀረበው ጥናት እንደሰጠው መረጃ በእርድ የተቀመሙ ምግቦችን መብላት የልጆች ሊኩሚያ አደጋ መከሰትን ሊቀንስ ይችላል፡፡ በ20ኛው ክፍለዘመን ጊዜ ውስጥ የዚህ ካንሰር መከሰት በከፍተኛ ሁኔታ የጨመረ ሲሆን ከነዚህ ውስጥ በ1950 ብቻ አደጋው ከ50 % በላይ የጨመረው ዕድሜያቸው ከአምስት አመት በታች በሆኑ ልጆች ላይ ነው፡፡ ዘመናዊ የአካባቢያዊ እና የአኗኗር ሁኔታ ጉዳዮች በዚህ ጭማሪ ውስጥ ከፍተኛውን ሚና እንደሚጫወቱ ይታሰባሉ፡፡
በአመጋገብ ልዩነት ምክንያት ከነዚህም ውስጥ ተደጋጋሚ እርድን መጠቀም የልጆች ሊኩሚያ ከምዕራባዊያን ሀገሮች ይልቅ በእስያ አነስተኛ እንደሆነ ላለፉት 20 አመታት በተከታታይ ምርምር ከቺካጎ አይኤል ሎዮላ ዩኒቨርስቲ የህክምና ማዕከል በፕሮፌሰር ሙልኪ ናጋብሁሻን ጥናት ተደርጓል፡፡
“ለከፍተኛ የልጆች ሊኩሚያ መከሰት አስተዋፅኦ የሚያደርጉት አንዳንድ ታዋቂ አደጋ አምጪ ጉዳዮች የብዙ የአኗኗር ሁኔታዎች መስተጋብር እና የአካባቢያዊ ጉዳዮች ናቸው፡፡ እነዚህም የሚያካትቱት ከመውለድ በፊት እና ከመውለድ በኋላ ለራዲዬሽን መጋለጥ፣ ቤንዚን፣ አካባቢን የሚበክሉ እና አልካይሌቲንግ የኬሚካል ህክምና መድሀኒቶች ናቸው፡፡ የኛ ጥናት እንደሚያሳየው እርድ እና ከለር የሚሰጠው ኩርኩሚን በምግብ ውስጥ መኖር እነዚህን አንዳንድ አደጋ አምጪ ጉዳዮች ያጠፋል፡፡”
ናጋብሁሻን እንዳመለከተው በእርድ ውስጥ ያለው ኩርኩሚን፡
የፖሊሳይክሊክ አሮማቲክ ሀይድሮካርበኖችን (ፒኤኤች) (ካርበንን መሰረት ያደረጉ ነዳጆች በማቃጠል ለምሳሌ ሲጋራ በማጨስ ካርሲኖጄኒክ ኬሚካሎች ይፈጠራሉ፡፡) ጂን ለውጦችን ሊከላከል ይችላል፡፡
በራዲዬሽን አማካኝነት የክሮሞዞም መጥፋትን ሊከላከል ይችላል፡፡
ጎጂ ሄትሮሳይክሊክ አማይንስ እና ናይትሮሶ ኮምፓውንዶችን መፈጠርን ሊከላከል ይችላል፡፡ ይህም በሰውነት ውስጥ አንዳንድ የተፈጩ ምግቦች ናይትሮሳማይንን የያዙ የተፈጩ የስጋ ውጤቶች ሲበሉ ውጤቱ ሊታይ ይችላል፡፡
በህዋስ መራቢያ ውስጥ የሊኩሚያ ህዋሶች መባዛትን እንዳይመለስ በማድረግ ሊከላከል ይችላል፡፡
የጉበት ስራዎችን ያሻሽላል
የእርድን በጉበት ዜኖባዮቲክ (መርዛማ) ኬሚካሎችን የማስወገድ አቅም ላይ ያለውን ውጤታማነት ለመገምገም በቅርብ በአይጥ ላይ በተካሄደው ጥናት የሁለት በጣም አስፈላጊ ቆሻሻ አስወጋጅ ኢንዛይሞች ደረጃዎች (ዩዲፒ ግሉኩሮኒል ትራንስፈራስ እና ግሉታቲዮን-ኤስ- ትራንስፈራስ) ከመቆጣጠርያዎቹ ሲወዳደሩ እርድ የተመገቡት አይጦች በከፍተኛ ሁኔታ ጨምረው ነበር፡፡ ተመራማሪዎቹ እንደሰጡት አስተያየት “ውጤቶቹ እንደሚጠቁሙት ከአንቲኦክሲደንት ባህርያቶቹ በተጨማሪ እርድ ቆሻሻ የማስወገድ ዘዴዎቹን ሊጨምር የሚችል ሲሆን እርድ በሰፊው እንደ ቅመም የሚጠቅም እና ብዙ የምግብ ካርሲኖጅኖችን ሊያስወግድ ይችላል፡፡”
በሮደንት ጥናቶች ውስጥ ኩርኩሚን የአንጀት ካንሰርን እንደሚከላከል ታይቷል፡፡ ተመራማሪዎች ኩርኩሚን እንዴት እንደሚሰራ ለመተንተን ጥናት ሲያከናውኑ የጠፉ ቅባታማ ቆሻሻ ነገሮች (በህዋስ ሽፋኖች እና ኮሌስትሮል ውስጥ የሚገኙትን) እንደሚከላከል፣ የሰውነት መቆጣት ኬሚካሎች ሳይክሎኦክሲጀናስ-2 (ሲኦኤክስ-2 ) መፈጠርን እንደሚከላከል እንዲሁም የመጀመርያው የጉበት ቆሻሻ ማስወገጃ ኢንዛይም ግሉታቲዮን ኤስ ትራንስፈራስ (ጂኤስቲ) መሰራትን የሚደግፍ መሆኑን አመላክተዋል፡፡ አይጦች ለ14 ቀናት ኩርኩሚን ሲሰጣቸው የጉበታቸው የጂኤስቲ ምርቶች በ16 % እንደሚጨምሩ እና የጠፉ ቆሻሻ ነገሮች ምልክት ከመቆጣጠርያዎቹ ጋር ሲወዳደር በ36 % እንደሚቀንስ ደርሰውበታል፡፡ በዚህ ሁለት ሳምንት ጊዜያቶች ተመራማሪዎቹ ካርበን ቴትራክሎራይድ የተባለውን ካንሰር አምጪ ኬሚካል ለአይጦቹ ሰጥተዋል፡፡ ኩርኩሚን ያልተመገቡ አይጦች የአንጀት ህዋስ የጠፉ ቆሻሻ ነገሮች ምልክት የጨመሩ ሲሆን እርድ የተሰጣቸው አይጦች ግን ይህ ጭማሪ በኩርኩሚን ምግብ ተከልክሏል፡፡ በመጨረሻም ተመራማሪዎች እርን በምግብ ውስጥ መስጠት እና ኩርኩሚንን በአይጦች አንጀት ውስጥ መጨመርን አወዳድረዋል፡፡ ኩርኩሚንንነ መጨመር በደም ውስጥ ብዙ ኩርኩሚን እንደሚኖር ያገኙ ሲሆን በአንጀት ዝልግልግ ፈሳሽ ውስጥ ግን አነስተኛ እንደሚገኝ አመላክተዋል፡፡ “ውጤቶቹም እንደሚያሳዩት ኩርኩሚን ከምግብ ጋር ሲቀላቀል በአንጀት እና ጉበት ውስጥ የመድሀኒቱን ደረጃዎች በማሳካት እና የታዩትን የፋርሞሎጂካል ስራዎች በበቂ ሁኔታ ለመግለፅ እንዲሁም ይህ አይነት የአሰጣጥ ዘዴ የአንጀት ካንሰር ኬሚካልን ለመከላከል ሊመረጥ እንደሚችል ተጠቁሟል፡፡”
የልብ ስራዎችን ይጠብቃል
ኩርኩሚን በሰውነት ውስጥ የኮሌስትሮል ኦክሲዴሽንን ሊከላከል ይችላል፡፡ የደም ማስተላለፊያ ቱቦዎች መጥፋት እና የቆሻሻ ነገር መከማቸት ወደ ልብ ህመም ወይም ስትሮክ ሊመራ የሚችለው ኦክሲዳይዝድ የሆነ ኮሌስትሮል ስለሆነ የአዲስ ኮሌስትሮል ኦክሲዴሽንን መከላከል የአቲሮስክሌሮሲስ እና ከስኳር ጋር የተያያዘ የልብ በሽታ መጠናከርን ይቀንሳል፡፡ በተጨማሪም የሆሞሲስቲን መጠን ከፍ ከማለት የሚጠብቀው የቪታሚን ቢ6 ጥሩ ምንጭ እርድ ነው፡፡ ሆሞሲስቲን በህዋስ መሰራት ሂደት ውስጥ አስፈላጊው መሀከለኛ ምርት ሲሆን ሚታይሌሽን የሚባል እና የደም ማስተላለፍያ ቱቦ ግድግዳዎችን በቀጥታ የሚያጠፋ ነው፡፡ ከፍተኛ መጠን ያለው ሆሞሲስቲን ለደም ማስተላለፍያ ቱቦ መጥፋት ከፍተኛ አደጋ አምጪ ጉዳይ፣ የአቲሮስክሌሮቲክ ቆሻሻ ነገር መከማቸት እና የልብ በሽታ ሲሆን የቪታሚን ቢ6ን በከፍተኛ መጠን መውሰድ ከልብ በሽታ አደጋ መቀነስ ጋር ይያያዛል፡፡
በኢንዲያን ጆርናል ኦፍ ፊዚዮሎጂ እና ፋርማኮሎጂ በታተመው ጥናት ላይ 10 ጤናማ ፈቃደኞች በቀን 500 ሚሊ ግራም ኩርኩሚን ለ7 ቀናት ሲጠቀሙ ኦክሲዳይዝድ ኮሌስትሮል የሆነው የደም መጠን በ33 % መውረዱ ብቻ ሳይሆን ጠቅላላ የኮሌስትሮል መጠኑም በ 11.63 % የወረደ እና የኤችዲኤል (ጥሩ ኮሌስትሮል) በ29 % ጨምሯል፡፡ (ሶኒ ኬቢ፣ ኩታን አር)
እርድ እንዴት ኮሌስትሮልን ይቀንሳል
የእርድ ኮሌስትሮልን የመቀነስ ብቃቶች የተገኙት ኩርኩሚን በተባለው በማጣፈጫ ቅመሞች ውስጥ ባለው ንቁ ቅመም ሲሆን ተመራማሪዎች እንዳረጋገጡት ኩርኩሚን በጉበት ህዋሶች ውስጥ ካሉት ጂኖች ጋር የሚገናኝ መልዕክት አስተላላፊ ሞለኪዩል በመሆኑ የኤምአርኤንኤ (ሚሴንጀር ፕሮቲን) ምርትን ለመጨመር ኩርኩሚንን የሚመራ እና ለኤልዲኤል (መጥፎ ኮሌስትሮል) ወደ ሪሴፕተሮች መፈጠርን ይመራል፡፡ ብዙ ኤልዲኤል ሪሴፕተሮች ሲኖሩ የጉበት ህዋሶች ኤልዲኤል ኮሌስትሮሎችን ከሰውነት ውስጥ ለማስወገድ ይችላሉ፡፡
የጉበት ህዋሶች 10 ማይክሮን ኤም ይዘት ባለው ኩርኩሚን ሲታከም ካልታከሙት ህዋሶች ጋር ሲወዳደር ሰባት እጥፍ ኤልዲኤል-ሪሴፕተር ኤምአርኤንኤ ይጨምራል፡፡ (የጉበት ህዋሶች ኩርኩሚንን ለ24 ሰዓታት እስከ 12 ማይክሮን ኤም መጠን ድረስ መቋቋም ችሏል፡፡ (ፒሼል ዲ፣ ኮርቲንግ አር ጄ ኑትር ባዮኬም)
የተግባር ምክሮች፡
በእርድ ላይ በመመርኮዝ ኤልዲኤል ኮሌስትሮልን ለማስወገድ የጉበት አቅምን ለመጨመር የሚረዳው ለጣፋጭ አሳ፣ ስጋ ወይም ምስር ማጣፈጫዎች ሳይሆን ለጤናማ የሽንኩርት ወጥ፣ ድንቾች እና/ወይም የአበባ ጎመንን ለማጣፈጥ፤ ወይም ክሬም ያለው አትክልት ላይ ቁልፍ የሆነ ቃናን ለመጨመር ነው፡፡ እርጎን በኦሜጋ-3-በበለፀገ ትንሽ ማዮኔዝ እና እርድ፣ ጨው እና በርበሬ ለማጣፈጥ ይቀላቅሉ፡፡ ከጥሬ የአበባ ጎመን፣ ቃርያ፣ ጂካማ እና ጥቅል ጎመን አበባዎች ያቅርቡ፡፡ ተደባልቆ ከተዘጋጀ ማጣፈጫዎች ይልቅ እርድን መምረጥዎን እርግጠኛ ይሁኑ፡፡ የቅርብ ጥናት እንደሚያመለክተው በተደባለቀ ማጣፈጫ ውስጥ የእርድ መጠን (ማለትም ኩርኩሚን) ብዙውን ጊዜ ትንሽ ነው፡፡ (ታየርን አርኤፍ፣ ኑትር ካንሰር)
ለአብዛኛው ኩርኩሚን ከማጣፈጫ ዱቄት ይልቅ እርድን መጠቀምዎን እርግጠኛ ይሁኑ፡፡ በ 28 የቅመም ምርቶች ውስጥ የኩርኩሚንን ይዘት እንደ እርድ ወይም ማጣፈጫ ዱቄቶች የሚገለፁትን በሚተነትነው ጥናት እንደተገኘው ንፁህ የእርድ ዱቄት ከፍተኛ የኩርኩሚን መጠን እንዳለው እና በአማካይ በክብደት 3.14 % ነው፡፡ የማጣፈጫ ዱቄት ናሙናዎች ከአንዱ በስተቀር በጣም ትንሽ የሆነ ኩርኩሚን መጠን ነው የያዙት፡፡ (ታየርን አርኤፍ፣ ሂዝ ዲዲ፣ ኑትር ካንሰር)
የአልዛይመርን በሽታዎችን ይከላከላል
እያደገ የመጣው መረጃ እንደሚጠቁመው እርድ ነርቭን ከሚያጠፋ በሽታዎች ሊጠብቅ ይችላል፡፡ የተላላፊ በሽታ ጥናቶች
እንዳመለከቱት በምግባቸው ውስጥ እርድ የተለመደ ቅመም ያደረጉ እድሜያቸው የገፉ የህንድ ህዝቦች እንደ አልዛይመር የነርቭ በሸታዎች መጠናቸው በጣም ዝቅተኛ ናቸው፡፡ በቅርቡ በተመሳሳይ ጊዜ የተደረጉት ምርምሮች እንዳገኙት ኩርኩሚን በአይጥ ውስጥ የአልዛይመርን መስፋፋት ይቀንሳል፡፡ በአይጥ ላይ የመጀመርያው ጥናት እንደሚመክረው ኩርኩሚን የብዙ አይነት ስክሌሮሲስ መስፋፋትን ሊገታ ይችላል፡፡ ይህን አጥፊ ሁኔታ እንዴት ሊከላከል እንደቻለ
እስከአሁን ግልፅ ያልሆነ ቢሆንም በሰውነት ውስጥ አብዛኛውን ነርቮች ለመጠበቅ የሚያገለግለው ሽፋንን ወይም ማዬሊንን ለማጥፋት ቁልፍ ሚና ሊጫወት የሚችለውን ፕሮቲን ወይም አይኤል-2 ምርትን ሊያቋርጥ እንደሚችል አንድ ፅንሰ ሀሳብ አለ፡፡

ብዙ ጥናቶች እንደመከሩት በእርድ ውስጥ በተፈጥሮ ንቁ የሆነ መሰረታዊ ነገር ወይም ኩርኩሚን የአንቲኦክሲደንት ፕሮቲኖችን ምርትን የሚቀምረውን ጂን በማስነሳት የአልዛይመርን በሽታ ይከላከላል፡፡ በጣልያን ስነህይወት ኬሚስትሪ መፅሀፍ ውስጥ
በታተመው ጥናት (ታህሳስ 2003) ላይ እንደተደረገው ውይይት አዕምሮን ከኦክሲዴቲቭ (ቆሻሻ ነገሮች) ጉዳት የሚጠብቅ፣ በአዕምሮ ጡንቻዎች ውስጥ ሲጀመር፣ አቅም ያለውን የአንቲኦክሲደንት ቢሊሩቢን የመከላከያ ዘዴን ወይም የሂምኦክሲጀኔስ መንገድን በማስጀመር የኩርኩሚን ሚና ከፍተኛ ነው፡፡ ይህ ኦክሲዴሽን የእርጅና እና እንደ አልዛይመር በሽታ የአዕምሮ መሳትን የሚያካትት የነርቭ መጥፋት ያለመስተካከልን የሚያመጣው ዋናው ምክንያት እንደሆነ የሚታሰብ ነው፡፡ በጣሊያን እና አሜሪካን ቡድን በጋራ የተካሄደው እና በዋሺንግተን ዲሲ ውስጥ በአሜሪካን ሳይኮሎጂካል እና ሶሻል 2004 አመታዊ ኮንፈረንስ ላይ የቀረበው ሌላ ጥናት እንዳረጋገጠው ኩርኩሚን በአዕምሮ
ሂፖካምፓል አካባቢ በአስትሮሳይት ውስጥ የሂምኦክሲጀኔስ-1 (ኤችኦ-1) የተባለውን የጂኑን መገለጫ በከፍተኛ ሁኔታ ያነሳሳል፡፡
ኩርኩሚን የጭንቅላት ደም ግድግዳን በማቋረጥ የአልዛይመርን በሽታን ሊከላከል ይችላል
በዩሲኤልኤ የተከናወነው እና በስነህይወት ኬሚስትሪ መፅሄት ውስጥ (ታህሳስ 2004) የታተመው ምርምር እና በእርሻ እና ምግብ ኬሚስትሪ መፅሄት ውስጥ (ሚያዝያ 2006) በመታተም በተጨማሪ ምርምር የተረጋገጠው ከኩርኩሚን የአልዛይመር በሽታ መከላከል ብቃት በስተጀርባ ያሉትን ዘዴዎች ገለፃ ይሰጣል፡፡
የአልዛይመር በሽታ የሚመጣው አሚሎይድ-ቢ የሚባለው የፕሮቲን ክፍል በጭንቅላት ክፍል ውስጥ በመከማቸት ኦክሲዴቲቭ ጫና እና የሰውነት መቆጣትን በመፍጠር እና በጭንቅላት ውስጥ የጭንቅላት ስራዎችን የሚያውኩ በነርቭ ህዋሶች (ኒውሮኖች) መሀከል ንጣፎች ይሰራሉ፡፡
ሰውነታችን በተፈጥሮ የሚሰራው የፕሮቲን ክፍል ጠቅላላ ቃል አሚሎይድ ነው፡፡ አሚሎይድ ፕሪከርሰር ፕሮቲን (ኤፒፒ) ከሚባለው ሌላ ፕሮቲን የሚቆረጠው የፕሮቲን ክፍል አሚሎይድ ቢ ነው፡፡ በጤናማ ጭንቅላት ውስጥ እነዚህ የፕሮቲን ክፍሎች ይሰባበሩ እና ይጠፋሉ፡፡ በአልዛይመር በሽታ ውስጥ የፕሮቲን ክፍሎቹ ይከማቹ እና ጠንካራ የማይሟሟ ንጣፎች በጭንቅላት ህዋሶች ውስጥ ይሰራሉ፡፡
የዩሲኤልኤ ተመራማሪዎች በመጀመርያ ያከናወኑት የሙከራ ቲዩብ ጥናቶች ሲሆን ኩርኩሚን የሰውነት መቆጣትን ከሚከላከሉ ኢቡፕሮፊን እና ናፕሮክሲን መድሀኒቶች የበለጠ የአሚሎይድ-ቢ ክምችትን እንደሚከላከል እና አሚሎይድ ፋይብሪልን ውጤታማ በሆነ መልኩ እንደሚያሟሟ ታይቷል፡፡ ከዚያም ተመራማሪዎች ህይወት ባለው አይጥ በመጠቀም እንዳገኙት ኩርኩሚን የጭንቅላት ደም ግድግዳዎችን በማቋረጥ እና ከትንሽ አሚሎይድ-ቢ አይነት ጋር ይያያዛል፡፡ የአሚሎይድ-ቢ የፕሮቲን ክፍሎች አንድ ጊዜ ከኩርኩሚን ጋር ከተያያዙ ንጣፎችን ለመስራት እርስበእርስ ሊያያዙ አይችሉም፡፡ ኩርኩሚን ከአሚሎይድ-ቢ ጋር የሚያያዙ ብቻ ሳይሆኑ የሰውነት መቆጣትን የመከላከል እና የአንቲኦክሲደንት ባህርያቶች ያሉት በመሆኑ ለጭንቅላት ህዋሶች ተጨማሪ ጥበቃ ይሰጣል፡፡



Pages: 1