ምርጥ የሀበሻ መዝናኛ ሰፈር፣ ኑ እና የምትሉትን በሉ!
ይህ ዌብ ሳይት ሀበሻን ከመላው አለም በማገናኘት የሚያወያይ
የሚያዝናና ዌብ ሳይት ወይም መድረክ ነው፥፥
0 users browsing Religion. | 1 guest
Pages: 1
Posted on 12-01-17, 08:06 pm


Karma: 90
Posts: 636/838
Since: 02-29-16

Last post: 62 days
Last view: 62 days
የኢትዮጲያው ሰይጣን ለአውሮፓው ሰይጣን የጻፈው ደብዳቤ
♦♦♦♦♦♦♦♦♦♦♦♦♦♦♦

እንደምነህ ሰይጣን ያውሮፓው ወንድሜ
እኔ አለሁ በመዝሙር በፀሎት ደክሜ።
“አይጥ ሞቷን ስትል ስታበዛ ሩጫ
ሄዳ ታሸታለች የድመት አፍንጫ።”
የሚሉት ሆኖብኝ ኢትዮጲያ መጥቼ
ይኸው እነሳለሁ ዕለት ዕለት ሞቼ።
አንተ ግን እንዴት ነህ?
♦♦♦
እነዴት ነው አውሮፓ ነዋሪው በሙሉ?
‘ቸርች’ ሰርተውልህ
ስምህን በመጥራት ያመልኩሀል አሉ።
የእኔን አትጠይቀኝ…!
እዚህ በቅዳሴ በአራቱም ማእዘን በማህሌት ፀሎት
እግዜር ነው ሚወደስ…
እሱ ነው ሚመለክ ሰርክ ቀንና ሌት።
እኔማ መሮኛል…!
ዘወትር መዋረድ ነጋ ጠባ ቅሌት።
ግን አንተ እንደም’ነህ?
ታገኛቸዋለህ ናኒን እና ሩኒን
‘ህይወት’ ሰጠሀቸው በመርፌ በኪኒን?
እዚህ ኪኒን ብትሰጥ የለም የሚቀበል
ሁሉ ዳንኩኝ ይላል እየጠጣ ፀበል።
እኔማ ተቃጠልኩ…
እዚም እዛም ስፍራ ውሃ እያፈለቁ…
“በስመአብ ወወልድ” በስመ ስላሴ እያሉ ሰው እያጠመቁ
ስንቱን የያዝኩትን በግድ አስለቀቁ።
አንተ ግን እንዴት ነህ?
እንዴት ነው አውሮፓ ጎዳናው መንገዱ?
ለማኞቹስ አሉ?
“ሆምለስ” ብለው ፅፈው ብሶት የሚያስረዱ።
እዚ ያሉ ለማኞች አቤት ሲያናድዱ!
“ምስኪን”ብለው ፅፈው ማሳጠር ሲችሉ
በአዛኚቷ ማርያም በእግዚአብሔር እያሉ…
የሰው አንጀት በልተው፤
የእኔን አንጀት ደሞ ያንጨረጭራሉ።
አንተ ግን ደህና ነህ?
እዛ አገር እንዴት ነው?
ወጣቱ ፈጣን ነው? ወይስ ይዘገያል?
በጭፈራ መሀል…
ያንተን ቀንድ ፣ያንተን ዐይን ምልክት ያሳያል?
እዚህ ‘እኔን ተወኝ…!
የሀበሻ ነገር ባህሪው ይለያል።
ጭፈራ ቤት ገብቶ _
መጠጥ ሊጠጣ ያዝ‘ና በደሌ
‘ሚያስከፍተው ዘፈን…
“እመቤቴ ማርያም አርጊልኝ የግሌ”።
/ ኧ…ረ …! እንደው እ…ድ…ሌ! /
እኔ አንድ ሀሳብ አለኝ…
♦♦♦♦
ላንተ ይቀርብሀል
ዩኔስኮን ካገኘህ ‘ ባክህ ንገርልኝ
ይቺን ጉደኛ ሀገር
“ለሰይጣን ‘ማትመች” ብሎ ይመዝግብልኝ።

♦♦♦♦♦♦♦♦
ክብር ለገጣሚው እስጢፋኖስ ይሁን!
Pages: 1