ምርጥ የሀበሻ መዝናኛ ሰፈር፣ ኑ እና የምትሉትን በሉ!
ይህ ዌብ ሳይት ሀበሻን ከመላው አለም በማገናኘት የሚያወያይ
የሚያዝናና ዌብ ሳይት ወይም መድረክ ነው፥፥
0 users browsing ግጥሞች. | 1 guest
Pages: 1
Posted on 10-21-17, 07:13 am


Karma: 90
Posts: 594/725
Since: 02-29-16

Last post: 2 days
Last view: 2 days
ልረሣሽ እየጣርኩ ነው
በጣራው ላይ ሲረማመድ፣የዝናቡ ልዝብ ኮቴ
መጋረጃው ሲውለበለብ፣ሰንደቅ ሆኖ ለመስኮቴ
ዋርካው፣ በቅጠል ጥዋ
ውኃ ሲያቁር ፣ከህዋ
የምድርን ጉሮሮ ሊያርስ
መሬት ፣ፍጥረትን ስትጸንስ
በዚህ ሁሉ ጸጋ መሀል ፣ያንችን መሄድ ስተምነው
ምንም ነው፣ኢምንት ነው
ልረሣሽ እየጣርሁ ነው፡፡
መጣ፣ መጣ ፣መጣ፣ የዝናቡ ኮቴ አየለ
ክረምት የፍጥረት መሲሕ፣ በቀጠሮው ከተፍ አለ፡፡
ስስ የጉም አይነርግብ፣ውብ ገጽሽን ሸፋፈነው
የርጥብ አፈር፣ርጥብ ሽታ ፣ውብ ሽቶሽን አዳፈነው
ልረሣሽ እየጣርኩ ነው፡፡
የዝናቡ ኮቴ ይደምቃል
እንደ ብስል ሾላ ፍሬ፣አሮጌው ሰማይ ይወድቃል
አዲስ ሰማይ ይነቃል
አዲስ ጅረት ይፈልቃል
እንኳንስ የእግርሽ ኮቴ፣ ጎዳናሽም ታጥቦ ያልቃል፡፡
ልረሳሽ እየጣርኩ ነው፡፡

በእውቀቱ ሥዩም
Pages: 1