ምርጥ የሀበሻ መዝናኛ ሰፈር፣ ኑ እና የምትሉትን በሉ!
ይህ ዌብ ሳይት ሀበሻን ከመላው አለም በማገናኘት የሚያወያይ
የሚያዝናና ዌብ ሳይት ወይም መድረክ ነው፥፥
0 users browsing Education - ትምህርት. | 1 guest
Pages: 1
Posted on 06-28-17, 02:42 am


Karma: 90
Posts: 445/838
Since: 02-29-16

Last post: 56 days
Last view: 56 days
እድለ ቢሱ ኖህ ሳማራ!

ይህንን ያሉን አማርኛ ተናጋሪ ምንጮቻችን ብቻ አይደሉም ፈረንጆቹም ጭምር እንጂ( በ 2000 -2008 እ.ኤ.አ የወጡትን የ Forbes,Hollywood reporter,Bloomberg,CNN,BBC....... ትልልቅ የሚባሉ ብዙ ሚዲያዎች ይዘውት የወጡትን ፅሁፍ ማየት ይችላሉ )
ኖህ ሳማራ በ ፈርንጆቹ አቆጣጠር 1996 ጀምሮ ክስረት ውስጥ እስከገባበት 2010 ድረስ የውጪውን ሚዲያ ቀልብ የገዛ ኢትዮጵያዊ ነበር። ኖህ ሳማራ የተወለደው ከኢትዮጵያዊት እናቱ እና የአፍሪካ ህብረትን ይመሩ ከነበሩት ታዋቂው ሱዳናዊ ዲፕሎማት ሳማራ አዝሚ (በእንግሊዘኛ የአባት ስም ስለሚቀድም በውጭዎቹ ዘንድ Azmi Samara በመባል ይታወቃሉ) አዲስ አበባ ውስጥ ነው። በ 17 እድሜው ወደ አሜሪካ በመሄድ ከ Stroudsburg University of Pennsylvania በ1978 በእንግሊዘኛ ቋንቋ የመጀመሪያ ዲግሪውን ፤ ከ Georgetown University School of Foreign Service በ ኢንተርናሽናል ቢዝነስ ሁለተኛ ዲግሪውን (ማስተርሱን) እንዲሁም ከ Georgetown University Law School በ ህግ ዶክትሬቱን አግኝቷል። ከዛም Geostar Corporation ከተባለው የሳተላይት ኩባንያና በዋሽንግተን Venable , Baetjer, Howard & Civiletti በተባሉት የህግ ተቋሞች አገልግሏል። ጨዋታው የሚጀምረው ይሄኔ ነው። ከሳተላይት ድርጅቶች ጋር በህግ ወይም የጥብቅና ሙያው የተዋጣለት ኖህ ሳይንቲስት የሆነ መሰለው። እ.አ.እ 1990 በአንድ የጃማይካ ሬስቶራንት ውስጥ በአንዲት ናብኪን ላይ ሃሳቡን መፃፍ ጀመረ። ሃሳቡም አፍሪካውያንን በሳተላይት መረጃ ማስተሳሰር ነበር። በልቡ ይንቦገቦግ የነበረው የሳተላይት ቴክኖዎሎጂ ፍቅር ከብዙ ሰዎች ደጃፍ አደረሰው። በጊዜው ታዋቂ የነበሩት ዲፕሎማት አባቱ ሳማራ አዝሚ ከታላላቅ ባለስልጣናት እና ባለሀብቶች ጋር ያላቸው ትውውቅ የኖህን መንገድ አልጋ በአልጋ አደረገው። በመጀመሪያም የአባቱ ቅርብ ወዳጅ የነበረው ኢትዮጵያዊው ሼክ መሀመድ ሁሴን አሊ አላሙዲን እና በሼኩ ምክንያት የመጡት የሳውዲው ሼክ ካሊድ ቢን ማህፉዝ $1.1 billion ዶላር በማውጣት 80 % የሚሆነውን እንዲሁም በሳውዲ ውስጥ "ሃብታሙ ደላላ" የሚባለው ሳላህ እድሪስ 6% ያህል በማዋጣት WorldSpace የተባለ በአለማችን የመጀመሪያውን የሳተላይት ሬድዮ ያመጠቀውን ኩባንያ ከፈቱ። ኖህ ሳማራም ያገኛትን ገንዘብ ይዞ ከ ፈረንሳዩ የሳተላይት አምራች ድርጅት Alcatel ጋር በመነጋገር AfriStar የተባለውን በአለማችን የመጀመሪያውን የሳተላይት ሬዲዮ አስገነባ። ከዛም እ.ኤ.አ በ1998 ከዲሞክራቲክ ሪፐብሊክ ኦፍ ኮንጎ (DRC) AfriSat ን ከምድር 36,000 ኪሎሜትሮችን አቋርጠው ወደ ህዋ አመጠቁት። ከአንድ አመት በኃላም የሳተላይት ሬድዮው በአፍሪካ አገልግሎቱን ጀመረ። በዛን ጊዜ ከ 20 በላይ ታዋቂ የሆኑትን CNN,BLOOMBERG,BBCን የመሳሰሉትን የቴሌቭዥን ጣቢያዎችን ማስተላለፍ ጀመረ። ከዛም ከሁለት አመት በኃላ AsiaStar የተባለውን የኤዥያ አህጉርን መሰረት ያረገ ሳተላይት እ.ኤ.አ 2000 ላይ ወደ ህዋ አመጠቁ። ኖህም የ WorldSpace ኩባንያ ዋና ስራ አስኪያጅ (CEO) በመሆን ዝናው በምድረ አሜሪካ ናኘ። በጊዜውም ከአሜሪካው ፕሬዝዳንት ቢል ክሊንተን ጨምሮ አድናቆት የተቸረው ኖህ ሳማራ የአሜሪካንና የአውሮፓ ጋዜጦችና ቴሌቪዥን ፕሮግራሞች ላይ ሽፋን ይሰጠው ጀመረ። TIME, WASHINGTON POST, NEWYORK TIMES የተባሉት ታላላቅ መፅሄትና ጋዜጦች ኖህን ከኔልሰን ማንዴላና ከልዑል ቻርልስ ጋር ያመሳስሉት ጀመር። በዝና ላይ ዝና የደረበው ኖህ በአሁኑ ጊዜ SIRUS-XM ለተባለው ትልቅ ኩባንያ ያኔ ገና ትንሽ በነበረበት ጊዜ $75 million ዶላር በማውጣት እንዲመሰረት አደረገ። በ 2001ም በአሜሪካን ምክር ቤት ሸንጎ ላይ ቀርቦ ስለ WorldSpace ኩባንያ ስኬት መመስከር ቻለ። ነገር ግን ኩባንያው ባመጣው የቴክኖሎጂ ስኬትና ዝና ትርፋማ ሊሆን አልቻለም ነበር። እንደምሳሌም የሳተላይት መቀበያ ሳህኖቹ (receivers) ጋና ውስጥ በ $400 ዶላር የቀረቡ ቢሆንም የጋና ዜጎች አመታዊ የነፍስ ወከፍ ገቢያቸው ግን $350 ዶላር ብቻ ነበር። በ 2001ም አንድ ሚሊዮን ሪሲቨሮችን ለመሸጥ ያቀዱ ቢሆንም እንዳሰቡት ሳይሆን 150,000 ሺህ ብቻ ሪሲቨሮችን ባብዛኛው በኬንያና ህንድ ሊሸጡ ችለዋል። WorldSpace ሶስተኛውን በላቲን አሜሪካ ላይ በ L-Band የሚሰራ ሳተላይት ለማምጠቅ ቢሞክርም ከአሜሪካ የመከላከያ ሚኒስትርና ከአውሮፕላን አምራቹ ቦይንግ ኩባንያ ጋር ክርክር ውስጥ በመግባታቸው ሊቀር ችሏል። በእንቅርት ላይ ጆሮ ደግፍ እንዲሉ ከሀገሩ ልጅ ሼክ ሁሴን አሊ አላሙዲን ጋርም የመረረ ሽኩቻ በ WorldSpace ስራአስኪያጅነት (CEO) ቦታ ላይ የገጠሙ ሲሆን በመጨረሻም ሼኩ በስምምነት ከኩባንያው ጋር ያላቸውን ውል አቋረጡ። እንዲህ እንዲህ እያለ በብዙ ውጣ ውረድ ያለፈው ኩባንያው እ.ኤ.አ በ2008 መክሰሩን አሳወቀ። በቀጣዩ አመትም ይዞታዎቹን በሙሉ ሸጦ WorldSpace ሙሉ ለሙሉ ተዘጋ። ዝናውም እንደ ጢስ እየተነነ የመጣው ኖህ ሳማራም እግሬ አውጪኝ ብሎ ወደ ሀገሩ ተመለሰ። ኢትዮጵያም እንደገባ በአባቱ በኩል ባገኘው ትውውቅ መሰረት ከተለያዩ ባለስልጣናት ጋር በመሆን በቢዝነስ ላይ ተሰማራ። እንደውም በኢትዮጵያ ከ ዘጠነኛ ክፍል እስከ አስራሁለተኛ ክፍል ያሉ ተማሪዎች ይማሩበት ተብሎ የተዘጋጀውን በአሁኑ ጊዜ ግን ሙሉ ለሙሉ ከአገልግሎት ውጪ የሆነውን ብዙ ሚሊዮን ዶላር ያስወጣውን የፕላዝማ ትምህርት ካስጀመሩት ቁልፍ ሰዎች አንዱ በመሆን በአሜሪካ የከሰረውን ኪሳራ አጣጥቶበታል። ከዛም በብዙ ቢዝነስ በመሰማራት እነ ኖህ ሪል ስቴት፣ አቢሲኒያ ውሃ ፣ አቢሲኒያ ሻይ ወ.ዘ.ተ የመሳሰሉትን ኩባንያዎች ባለቤት ሆኗል። በመጨረሻም ምንጮቻችን አንድ ነገር እንጨምር ይላሉ።" ኖህ እድለ ቢስ ነው ያስባለው እነ Verizon,AT&T(በአሁኑ ጊዜ በቢሊዮን ዶላር የሚንቀሳቀሱ ኩባንያዎች ናቸው) የመሳሰሉት ኩባንያዎች ደካማ ሆነው እንደውም ብዘ ሰው በማያውቃቸው ሰአት ገናና የነበረው የኖህ ሳማራው WorldSpace እንዲህ ስሙ እስኪረሳ ድረስ መዝለቁ ነው ብለውናል። እንደውም እድሉ ቀና ብትሆን ኖር ከ እነ Amazon,Tesla,Space x, Facebook መስራቾች ተርታ ተሰልፎ ቢሊየነር ይሆን ነበር።"

#መረጃ_ለሁሉም

Posted on 06-28-17, 02:05 pm


Karma: 100
Posts: 192/602
Since: 08-27-16

Last post: 8 days
Last view: 13 hours
Good job,
Thanks
Posted on 06-28-17, 08:55 pm


Karma: 100
Posts: 272/425
Since: 07-12-15

Last post: 33 days
Last view: 33 days
nice but sad story....
Posted on 06-30-17, 05:00 am


Karma: 90
Posts: 447/838
Since: 02-29-16

Last post: 56 days
Last view: 56 days
u are welcome 12yeempfasillg!
Pages: 1