ምርጥ የሀበሻ መዝናኛ ሰፈር፣ ኑ እና የምትሉትን በሉ!
ይህ ዌብ ሳይት ሀበሻን ከመላው አለም በማገናኘት የሚያወያይ
የሚያዝናና ዌብ ሳይት ወይም መድረክ ነው፥፥
0 users browsing Cars. | 2 guests
Pages: 1
Posted on 06-19-17, 11:05 am


Karma: 90
Posts: 426/763
Since: 02-29-16

Last post: 5 days
Last view: 4 days
ተሸከርካሪዎችን ወደ ሀገር ማስገባት የሚችሉት እነማን ናቸው?
- በተሽከርካሪ አስመጪነት የንግድ ፍቃድ ያላቸው በዘርፉ የተሰማሩ አስመጪዎች፤
- በኢንቨስትመንት ዘርፍ የተሽከርካሪ ማበረታቻ የተፈቀደላቸው ኢንቨስተሮች፤
- በውጭ ሀገር ከ5 ዓመት በላይ ኖረው ጠቅልለው ወደ ሀገር ተመላሽ የሚሆኑ ዲያስፖራዎች ወይም ወደ ኢትዮጵያ ለመጀመሪያ ጊዜ ለመኖር የሚመጡ የውጭ አገር ዜጎች/እነዚህ ማስገባት (ማስመጣት የሚችሉት አንድ የግል መገልገያ አውቶሞቢል ብቻ ነው/።
የአንድ ተሽከርካሪ ቀረጥ ማስከፈያ ዋጋ እንዴት ይተመናል?
የመኪና ቀረጥ ማስከፈያ ዋጋ የሚተመነው በመኪናው የሲ.ሲ መጠን፣ መኪናው በተመረተበት ጊዜ እና መኪናው በተገዛበት ዋጋ ነው። እነዚህን ሶስት መተመኛዎች ከዚህ እንደሚከተለው ቀርበዋል።


1. የሲ.ሲ መጠኑን መሠረት በማድረግ
ይህ የተሽከርካሪውን የሞተር ጉልበት/ የሲሊንደር አቅም/ መሠረት ያደረገ ነው።
1.1. የተሽከርካሪው የሲሊንደር ዘይት ከ1300 ሲ.ሲ በታች ከሆነ
- ተገጣጥሞ የሚገባ ያለቀለት 125.0075%
- ለመገጣጠም የሚገባ 59.975%
1.2. የተሽከርካሪው የሲሊንደር ይዘት ከ1300- 1800 ሲ.ሲ ከሆነ
- ተገጣጥሞ የሚገባ ያለቀለት 176.24%
- ለመገጣጠም የሚላክ 96.2%
1.3. የተሽከርካሪው የሲሊንደር ይዘት ከ1800 በላይ ከሆነ
- ተገጣጥሞ የሚገባ ያለቀለት 244.55%
- ለመገጣጠም የሚላክ 100.05
2. ለማነፃፀሪያ ሲባል አንድ ዓመት ወደፊትና ወደኋላ የሆነ የምርት ዘመን ማለት ነው።
ያገለገሉ ተሽከርካሪዎች ወደ ሀገር ሲገቡ የእርጅና ቅናሽ ከተሽከርካሪው የምርት ዘመን በመነሳት እስከ ሶስት ዓመት መጨረሻ ድረስ ከፎብ /Free on Board ore FOB/ ላይ በየዓመቱ የሚደረግ የ10 በመቶ ቅናሽ ሲሆን ቅናሹ ከ30 በመቶ አይበልጥም

ተሽከርካሪው ከተመረተበት ቀን ጀምሮ የሚደረገው የእርጅና ቅናሽ
የቆየበት የአገልግሎት ዘመን በመቶኛ
ከአንድ ዓመት በታች 0%
አንድ ዓመት 10%
ሁለት ዓመት 20%
ሶስት ዓመትና ከዚያ በላይ 30%
ይህ በአንቀጽ የተደነገገ ሲሆን ወደ ሀገር ውስጥ የሚገቡ ተሽከርካሪዎች ከተመረቱ በኋላ ምንም አይነት አገልግሎት ወይም ጥቅም ላይ ሳይውሉ ከአንድ ዓመት በኋላ የቆዩ ቢሆንም የእርጅና ቅናሽ ሳይደረግባቸው አዲስ በነበሩበት ጊዜ ያለው ዋጋ የቀረጥና ታክስ ማስከፈያ ዋጋ ተደርጎ ይወሰዳል።
$13. የተገዛበት ዋጋ
በጉምሩክ ተቀባይነት ሲያገኝ የተገዙበት ዋጋ ላይ በአስመጪ እስከ ኢትዮጵያ መግቢያ በር ድረስ የተከፈሉ/ የሚከፈሉ አጠቃላይ ወጪዎችን በአዋጅ 859/2006 አንቀጽ 96 መሠረት በመደመር እና የተሽከርካሪ የታሪክ ምጣኔን በማባዛት ማስላት ነው።
ሆኖም የተገዙበት ዋጋ (FOB Price) በጉምሩክ ተቀባይነት በሚያገኝበት ጊዜ በመረጃ ተቋም ካለው ተመሳሳይ (አንድዓይነት) ተሽከርካሪዎች ጋር በማነፃፀርያ ዋጋ በመውሰድ ተጨማሪ ወጪዎችን በመደመርና ከታሪፍ አመዳደቡ ጋር በማነፃፀር የተገኘውን ውጤት ባለው ወቅታዊ የውጭ ምንዛሬ ቀረጥና ታክሱን ማስላት ይቻላል።
ተሽከርካሪዎች የዋጋ አተማመን ስሌት
1. ለአዲስ ተሽከርካሪዎች (For new car)
Duty paying value = FOB + Freight + insurance + other cost
2. ላገለገሉ ተሽከርካሪዎች (For used car)
DPV = (FOB - depreciation) + Freight + insurance + others
ተጨማሪ ክፍያዎች በተጨባጭ መረጃ እና ማስረጃ ሊተመኑ ካልቻሉ በአዋጁ አንቀጽ 96 በተደነገገው መሠረት በሚከተሉት ሁኔታዎች በማስላት በቀረጥና ታክስ ማስከፈያ ዋጋ ይካተታሉ።
የትራንስፖርት ወጪ /Freight/ = 5% of FOB value
የኢንሹራንስ ወጪ /insurance/ + 2% of FOB value
መግለጫ
ያገለገሉ ተሽከርካሪ የምንለው በተመረተበት የምርት ዘመን በኋላ ጥቅም ላይ የቆየ ባለሞተር ተሽከርካሪ ነው።
የፎብ ዋጋ (FOB price)
ማለት የዕቃው መሸጫ ዋጋ እና በላኪ ሀገር እስከ የመጨረሻ መጫኛ ቦታ (ወደብ) ደረስ ለዕቃው የተከፈለ/ የሚከፈል ወጪ ድምር የሚያመለክት አንዱ የአለም አቀፍ የንግድ ስምምነት ዓይነት (INCOTERM) ሲሆን በመርከብ ለማስጫን፣ በማጓጓዝ፣ ለማራገፍ፣ ለመንከባከብ የወጣ ሲሆን ለኢንቨስትመንትና ሌሎች የሚወጡ ወጪዎችን አይጨምርም።
የሲ.አይ .ኤፍ ዋጋ (CIF price)
ማለት የዕቃው የመጫኛ ዋጋ እና በላኪ አገር እስከ የመጨረሻ ቦታ (ወደብ) ድረስ ለዕቃው የተከፈለ/ የሚከፈል ወጪ፣ የኢንሹራንስ፣ ዕቃውን ለማጓጓዝ የወጣ ወጪ ድምር የሚያመለክት አንዱ የዓለም አቀፍ የንግድ ስምምነት ዓይነት (INCOTERM) ሲሆን እስከ ኢትዮጵያ የጉምሩክ ክልል የመጀመሪያ መግቢያ በር ድረስ ዕቃውን ለማስጫን፣ ለማራገፍ፣ ለመንከባከብ እና ለዕቃው የተከፈሉ/ የሚከፈሉ ሌሎች ተጨማሪ ወጪዎችን ይጨምራል።
ምንጭ፡- ገቢዎና ጉምሩክ ባለሥልጣን

Pages: 1