ምርጥ የሀበሻ መዝናኛ ሰፈር፣ ኑ እና የምትሉትን በሉ!
ይህ ዌብ ሳይት ሀበሻን ከመላው አለም በማገናኘት የሚያወያይ
የሚያዝናና ዌብ ሳይት ወይም መድረክ ነው፥፥
0 users browsing Society & Culture - ማህበረሰብ እና ባህል. | 1 guest
Pages: 1
Posted on 06-07-17, 06:10 am


Karma: 90
Posts: 410/838
Since: 02-29-16

Last post: 32 days
Last view: 32 days
አለመግባባትንማስወገድ
ሁለት ሰዎች በመካከላቸው አለመግባባት ሲፈጠር ብዙውን ጊዜ በንዴት ይጦፋሉ፤ እንዲሁም አንዱ ሌላውን ሊወነጅል ይችላል። ይህን ሁኔታ ለማስተካከል እርምጃ ካልወሰዱ ጓደኝነታቸው ሊያከትም ይችላል።
አንተም ተመሳሳይ ሁኔታ አጋጥሞህ የሚያውቅ ከሆነ ሁኔታው እንዳላስደሰተህ ግልጽ ነው! በእርግጥ፣ አብዛኞቻችን ከወዳጆቻችንና ከጎረቤቶቻችን ጋር በሠላምና በስምምነት መኖር እንፈልጋለን። ይሁንና አልፎ አልፎ አለመግባባት ቢፈጠርስ? በውስጣችን ያሉትን መጥፎ ባሕርያት ማሸነፍና ስሜታችንን የጎዳንን ሰው ይቅር ማለት እንችላለን? የተፈጠረውን አለመግባባት ሰላማዊ በሆነ መንገድ መፍታትስ እንችላለን?
ነገሮችን ምክንያታዊ በሆነ መንገድ መመልከትና የተፈጠረውን አለመግባባት በሠላም መፍታት፤ አለመግባባት በሚፈጠርበት ጊዜ ወዳጅነት እንዳይፈርስ ብቻ ሳይሆን ከተፈጠረው ችግር በኋላም ወዳጅነቱ ይበልጥ እንዲጠናከር የሚረዱ ጠቃሚ መመሪያዎችን መከተላቸውያስፈልጋል።
የጠብ መንስኤዎች ውስብስብና የተለያዩ ናቸው፤ በተጨማሪም ሰላም ለመፍጠር ለሚደረገው ጥረት በጎ ምላሽ የሚሰጠው ሁሉም ሰው አይደለም። በመሆኑም ሐይማኖታዊው አስተምህሮት ”ከሰው ሁሉ ጋር በሰላም ለመኖርበእናንተ በኩልየተቻላችሁን ሁሉ አድርጉ” የሚል እውነታውን ያገናዘበ ምክር ይሰጣል።
ከአንዳንዶች ተሞክሮ የምንረዳው አስተዳደግ ከፍተኛ ተፅእኖ ማሳደሩን ነው አሜሪካዊው ሮበርት፤-”ያደግሁት ደስታ በራቀው ቤተሰብ ውስጥ ነው። አባቴ ግልፍተኛ ስለነበር ብዙውን ጊዜ ይደበድበኝ ነበር። አንዳንድ ጊዜ ደም በደም ሆኜ ራሴን እስክስት ድረስ ይደበድበኛል። በመሆኑም እኔም እያደር ይበልጥ ግልፍተኛና ዓመፀኛ ሆንኩ።
በአሥራዎቹ ዕድሜ ሳለሁ በፀባይ ማረሚያ ውስጥ ሁለት ዓመታት አሳልፌያለሁ። በኋላም ከባድ ወንጀል በመፈጸሜ ከፍተኛ ጥበቃ የሚደረግበት እስር ቤት ገባሁ። ከእስር ቤት ስለቀቅ ሕይወትን እንደ አዲስ ለመጀመር በማሰብ ወደ አውስትራሊያ ሄድኩ።
ፀባዬን ለመለወጥ የረዳኝ ወደዚያ መሄዴ ሳይሆን የራሴ ውሳኔ ነበር፡፡ ይሁን እንጂ የግልፍተኝነት ባሕሪዬን መቆጣጠር በጣም ከባድ ሆኖብኝ ነበር፤ በዚህም ምክንያት ብዙውን ጊዜ የተስፋ መቁረጥና የዋጋ ቢስነት ስሜት ይሰማኝ ነበር። ቀስ በቀስ ከአንድ ሰው ስሜት፣ ንግግር ወይም ድርጊት በስተ ጀርባ ያለው ምን እንደሆነ ማሰብ ጀመርኩ። በዚህም የተነሳ ይበልጥ የሰው ችግር የሚገባኝ፣ ታጋሽና ይቅር ባይ እየሆንኩ መጣሁ”። ሲል ይናገራል፡፡
ከዚህ ሁሉ እሳቤ ጀርባ ሰዎች በድንገት ሀሳባቸውን ለውጠው ተቆጪየሚሆኑበት ወቅት ይከሰታል፡፡ ይህ ሁኔታ ሲያጋጥም አእምሮን ማረጋጋት እንደሚያስልግ የስነልቦና ባለሙያዎች ይመክራሉ፡፡

Posted on 06-07-17, 01:09 pm


Karma: 100
Posts: 178/601
Since: 08-27-16

Last post: 8 days
Last view: 41 min.
እኔም፡ብዙ፡ጊዜ፡አለመግባባት፡ሲኖር፡የምጠቀመው፡አገላጋይ፡ይሄ፡ነው።

Pages: 1