ምርጥ የሀበሻ መዝናኛ ሰፈር፣ ኑ እና የምትሉትን በሉ!
ይህ ዌብ ሳይት ሀበሻን ከመላው አለም በማገናኘት የሚያወያይ
የሚያዝናና ዌብ ሳይት ወይም መድረክ ነው፥፥
0 users browsing Marriage & Divorce . | 1 guest | 1 bot
Pages: 1
Posted on 05-11-17, 04:56 am


Karma: 90
Posts: 386/789
Since: 02-29-16

Last post: 2 days
Last view: 1 day
ከአነበብኩት
በዲ/ን ዳንኤል ክብረት✍
የማትናደፍ ንብ ከፈለክ ከዝንብ ጋር ተጋባ "
....ትዳር ከንብ ጋር መኖር ነው። ለማሩ ስንል ንድፊያውን መታገሥ፡፡
ቆይተህ ደግሞ ንድፊያውን መልመድ፡፡ገበሬ ቀፎ ሰቅሎ ንብ
ሲያንብ፣ ንብ እንደምትናደፍ ሳያውቅ ቀርቶ አይደለም፡፡የማትናደፍ ንብ ከፈለገ
በየደጁ ቆሻሻ ፍለጋ የምትጓዘው ዝንብ ነበረችለት፡፡ዝንብ ምን ጠባይዋ ሸጋ
ቢሆን፤ ጠብ የሚላት ግን
ሌላ ነገር ነው፡፡ይህን ያውቃል ገበሬው፡፡እያወቀም
ንብ ያንባል፡፡ማነብ ብቻ ሳይሆን ከንብ ጋር እንዴት
መኖር እንደሚቻልም ያውቃል፡፡ንብ ትናደፋለች፤ ግን እንዳትናደፍ ማድረግም
ይችላል፡፡የምትወደውና የማትወደው ሽታ አለ፡፡ስትቀርብህ
ምን ማድረግ እና ምን አለማድረግ እንዳለብህ
ገበሬው ያውቃል፡፡በሀገራችን ንብ አትገደልም፡፡ነውር ነው፡፡ብትነድፍም
አትገደልም፡፡የንቧን
ማር ለመውሰድም ንቧን ገድሎ፣ አጥፍቶ፣ ጎድቶ ወይም አሰቃይቶ ሳይሆን
በጭስ ራሱን እየተከላከለ፣
ፊቱን በጨርቅ ሸፍኖ፣ ወደ ንቧ ቀፎ ገብቶ ነው
ማሩን የሚቆርጠው፡፡ንቧም ሳትጎዳ፣ ማሩም
ሳይጠፋ፣ እርሷም ሳትናደፍ፡፡ትዳርም እንዲህ ነው፡፡አኗኗሩን ነው ማወቅ፡፤
የንቧን ንድፊያ የመቀነሻውን መንገድ ነው ማወቅ፣ የማሩን አቆራረጥ መንገድ
ነው ማወቅ፡፡ደግሞም‘ኮ
አስገራሚው ገበሬው የሚከባከበው ይህቺኑ
የምትናደፈውን ንብ መሆኑ ነው፡፡የምትቀስመው
አበባ ትፈልጋለች፣ ንጹሕ አካባቢ ትፈልጋለች፣
ከጉንዳንና ከአውሬ ነጻ የሆነ ቀፎ ትፈልጋለች፡፡ግን
ትናደፋለች፡፡ደግሞም ማር ትሰጣለች፡፡ትዳር አስደሳች ነገር ብቻ ሳይሆን
አስመራሪ፣
አስጠሊታ፣ ጨጓራ አንዳጅ፣ልብ
አቃጣይም ክፍል አለው፡፡ይናደፋል፡፡ግን ደግሞ
ክብካቤም ይፈልጋል፡፡ንጹሕ ልብ፣ ታማኝ ኅሊና፣
ቻይ አንጀት፣ ታጋሽ ሆድ፣ ጠቢብ አእምሮ፣ አሳላፊ
ልቡና ይፈልጋል፡፡ለምን ቢሉ? ማር ይሰጣልና ታገሱ...''

Pages: 1